الى جميع المشتركين الكرام
يسادة الروح ذبله....وجدكم
وحك شارة منايركم ...وجدكم
اجيت وضنتي الكاكم...وجدكم
ياهو الاسأله يكلي اشعليه
وجرني
بحباله الوكت دوهني وجرني
وبدار الغرب اوكدني وجرني
وصحت يحسين دحضرني وجرني
ولسعات البعداوجرن بيه
عذاب الشوگ شبگ ساعديني
وساعة انخة الايمة ساعديني
على نص النوايب ساعديني
كلف ظيم العشگ كلة علية
ابيع الناس كلهة برخص واشراك
واخليلك حرس وعيون وشراك
ان ما اريد الحرام ارتكب واشراك
اريدك بالحلال تصير الية
عمري نصه ضيعته ونصبه
واجيب الحلو گدامي ونصبه
انه الماصرت ضحكه ونصبه
نصب وكتي وضحك غصبن عليه
حزني من صباي على الوجه مرسوم
ومن اضحك اضحك بتوقيع ومرسوم
جرح الناس شخط وجرحي انه مرسوم
وما خليت شامت يحس بيه
عليك انجان خلوسور وشـراك
ابيعالروح للمحبوب وشـراك
انه وياك نفس الكلب وشراك
ونفس النبض دكتنه سويـــه
يمة رماني الهوا وحيلي بدا محلل
ونار البكلبي اسعرت ماشافها محلل ناديت ولفي تعال ابشوك ومحي الليل واكرب عليك النبي والواحد الاحد
وزيح هم البدء من الاثنين للاحد
واني يايمة ان متت لاتتهمون احد
جتالي ذاك الترف ماهوب ومحلل
لاحكني الحزن عد بابي واجاني
التعب والقهر لميتة وجاني
اريد اعرف شنو ذنبي وجاني
الوكت والناس هم رفعوا قضية
شلال حبنه وكف ماشوف مايه***يرى
اوحبل الموده الذي شديته خلي*يرى
بالنار انه احترك وبعينه هوه*يرى
ناديته مالك يخي ماجن اعيونك *يرن
شوفك اوكلنه عمه مسمعت صوتي *يرن
النار بيه لهب دمعاتي عالخد**يرن
من خله ناري طفت كالالي شنهو **يرى
مثل غيم الشتا همي تراكم
ومتى عيني ياأحبابي تراكم
شهور سنين غيبتكم تراكم
وحيد ولا عزيز اليمر بيه
اتمنا انت تنال رضاكم تحياتي الكم
من طرف بنوتة كريزى الإثنين سبتمبر 05, 2011 11:20 pm
